ഊഷര ഭൂമിയിലെ ശീതക്കാറ്റുകൾ...(part 112).
Mr.Muhammad Abdulla Al Ayoub...
ഇന്നത്തെ എന്റെ ഓർമ്മകുറിപ്പിൽ എത്തുന്നത് ഞാൻ മകന് തുല്യം സ്നേഹിക്കുകയും മറിച്ചു അതുപോലെതന്നെ എന്നെ ബഹുമാനിക്കപ്പെടുകയും ചെയ്യുന്ന ഒരു കുവൈറ്റി യുവാവിനെ പറ്റിയുള്ള ഊർജ്യമേറിയ ഓർമ്മകളാണ് .
ഇതിന് വേണ്ടി ഞാൻ കുറെ പുറകിലേക്ക് പോകുകയാണ് . കോമ്മേഴ്സ്യൽ ബാങ്ക് ഓഫ് കുവൈറ്റിൽ എന്നെ ആദ്യമായി ഒരു റീജിയണൽ മാനേജരായി പ്രൊമോട്ട് ചെയ്ത സമയം.ബാങ്കിന്റെ അന്നത്തെ ഏറ്റവും വലിയ ബ്രാഞ്ച് ആയിരുന്ന "ഫഹാഹീൽ" ബ്രാഞ്ചിൽ നിന്ന് "സബാഹ് അൽ സാലം റീജിയണൽ ഓഫീസി"ലേക്കാണ് യാത്രാ . അവിടെയെത്തി ചാര്ജടുത്തപ്പോൾ താഴത്തെ നിലയിൽ നിലവിലുണ്ടായിരുന്ന ബ്രാഞ്ചിൽ ആദ്യത്തെ ഔദ്യോഗിക സന്ദർശനം .
പെട്ടെന്നാണ് പുതുതായി ബാങ്കിൽ ജോലിയിൽ പ്രവേശിച്ച ഒരു കുവൈറ്റി യുവാവിനെ എന്റെ ശ്രെദ്ധയിൽ പെട്ടത്. പരിചയപ്പെട്ടപ്പോൾ "ഡിഗ്രി ഹോൾഡർ" ആണെന്ന് മനസ്സിലായി . ഞാൻ പലപ്പോഴും എഴുതിയിട്ടുള്ള "അൽ ജനാഹ്ത്" ഗോത്രത്തിൽ പെട്ട "അൽ അയൂബ്" കുടുംബത്തിലെ അംഗമാണ് .
അധികം സംസാരിക്കാൻ ഇഷ്ടപ്പെടാത്ത ആ ചെറുപ്പക്കാരനിൽ ഞാൻ എന്റെ ചിരകാല പരിചയം വച്ച് നല്ല മാനേജ്മന്റ് സ്കില്ലും, ലീഡർഷിപ് ക്വാളിറ്റിയും ഉണ്ടന്ന് പെട്ടന്ന് തന്നെ മനസ്സിലാക്കി . ഒരു വർഷം ബ്രാഞ്ചിൽ വർക്കു ചെയ്ത ശേഷം ഞാൻ ആ യുവാവിനെ റീജിയണൽ ഓഫീസിൽ ലോൺ പോർട്ടഫോളിയിലേക്കു എടുക്കുകയും മുഹമ്മദ്ഏറ്റവും ഭംഗിയായി ആ ജോലി നിർവഹിക്കുകയും ചെയ്തു .തുടർന്ന് താഴെയുള്ള ബ്രാഞ്ചിൽ "അസിസ്റ്റന്റ് മാനേജ"രായി പ്രൊമോട്ട് ചെയ്തു വിടുകയും ചെയ്തു .
കാലങ്ങൾ മുന്നോട്ടു പൊയ്ക്കൊണ്ടിരുന്നു . ഇതിനിടെ എന്നെ സീനിയർ റീജിയണൽ മാനേജർ ആയി ഉയർത്തുകയും ഒപ്പം ഡയറക്റ്റ് സെയിൽസ് യൂണിറ്റിന്റെയും റീറ്റെയ്ൽ മാർക്കറ്റിംഗ് യൂണിറ്റിന്റെയും ചുമതല കൂടി ഏറ്റെടുക്കേണ്ടിവരുകയും ചെയ്തപ്പോൾ എനിക്ക് താങ്ങായി ഈ ചെറുപ്പക്കാരൻ വളരെ ആത്മാർത്ഥമായി സാഹയെത്തിനെത്തി . സമയം പോലും നോക്കാതെ അവുധി ദിവസങ്ങളിൽ പോലും പണിയെടുത്തു കൊണ്ടിരുന്നു .
"മുഹമ്മദ് അബ്ദുല്ല അൽ അയൂബി"ന്റെ പേരെ എക്സിക്യൂട്ടീവ് മാനേജ്മെന്റിന്റെ മുൻപിൽ അറിയപ്പെട്ടു തുടങ്ങി .
ആയിടക്കാണ് കുവൈറ്റ് ഇന്റർനാഷണൽ ബാങ്കിൽ നിന്ന് ഉയർന്ന പദവിയിലേക്കുള്ള ക്ഷണം കിട്ടുന്നതും ഞാൻ പിരിയുന്നതും . പോകുമ്പോൾ ഒരേ ഒരു വാക്കേ വികാരഭരിതനായി നിന്ന മുഹമ്മദ് എന്നോട് പറഞ്ഞുള്ളു . "എന്നെ മറക്കരുത് . എന്റെ അച്ഛനില്ല മരിച്ചു പോയതാണ് .ആ ബഹുമാനമാണ് താങ്കൾക് ഞാൻ തരുന്നത്". . എന്റെ കണ്ണ് നിറഞ്ഞുപോയി . എന്റെ മറുപടി.... "എനിക്കൊരു മാസത്തെ സമയം തരണം . ജോലിയിൽ ഒന്ന് പ്രവേശിച്ചു പുതിയ അന്തരീക്ഷം നോക്കട്ടെ"..... .
ഞാൻ മുഹമ്മദിന് കൊടുത്ത വാക്ക് പാലിച്ചു .മുഹമ്മദിനെ എന്റെ പുതിയ ബാങ്കിന്റെ "ഫഹാഹീലിലു"ള്ള ബ്രാഞ്ചിൽ മാനേജർ ട്രെയിനിയായി നിയമനം കൊടുത്തു . താമസിയാതെ ബ്രാഞ്ച് മാനേജരാകുകയും ചെയ്തു .
കാലം ആർക്കും കാത്തു നിന്നില്ല . വ്യകതി പരമായ കാരണങ്ങൾ ഞാൻ കുവൈറ്റ് വിടുകയെന്നറിഞ്ഞപ്പോൾ ഏറ്റവും അധികം വിഷമിച്ച ഒരു വ്യ്കതിയാണ് മുഹമ്മദ് . പോകുന്ന ദിവസം രാത്രി ഒരുമണി ആയിക്കാണും . ടെലിഫോൺ റിംഗ് ചെയ്യുന്നു . അങ്ങേ തലക്കൽ മുഹമ്മദ് . നാളെ ഉച്ചക്കയ്ക്ക് പോകയല്ലേ . വന്നു കാണാൻ പറ്റില്ല . ഇപ്പോൾ വരട്ടെ . ഞാൻ സമ്മതിച്ചു . വന്നു മണിക്കൂറുകളോളം സംസാരിച്ചിരുന്നു . അന്ന് ഉച്ചക്കുകൂടി കണ്ടതാണ് . എന്നിട്ടും ആ സാമീപ്യം ഇഷ്ടപെടുന്ന മുഹമ്മദ് .
സത്യത്തിൽ ഇതല്ലേ സ്നേഹം . സ്നേഹപ്രവാഹം . കുവൈറ്റ് വിട്ടിട്ടും നിരന്തരമായ സ്നേഹസംഭാഷണങ്ങൾ .
ആറ് മാസം മുൻപ് എനിക്ക് ഒരു മെസ്സേജ് വന്നു . മുഹമ്മദിന്റേതായിരുന്നു ." മിസ്റ്റർ .നായർ .എനിക്ക് പ്രൊമോഷൻ കിട്ടി . റീജിയണൽ മാനേജരായിരിക്കുന്നു . എന്നെ ഞാനാക്കിയ താങ്കളെ ആണ് ആദ്യം അറിയിക്കുന്നത്."
തുടർന്ന് സംസാരിച്ചപ്പോൾ വിതുമ്പുന്നുണ്ടായിരുന്നു . എന്റെ മറുപടി ......" ഞാൻ ഇരിന്നിട്ടുള്ള എല്ലാ പദവിയും നിനക്ക് കിട്ടും" .
മറുപടി പറയാൻ വാക്കുകൾക്ക് പരതുന്നത് എനിക്ക് മനസ്സിലായി . ഉയരും വളരെ ഉയരും മനസ്സ് പറയുന്നു . എല്ലാ നന്മകളും മുഹമ്മദിന് ഞാൻ നേരുകയാണ് . ഓര്മകള്ക്കുള്ള ഒരു കുളിരു ഒന്ന് വേറെ തന്നെയാണ് . അള്ളാഹു മുഹമ്മദിനെ അനുഗ്രഹിക്കട്ടെ ............
